Music Industry News

I runga i te huarahi ki Te Wiki o te Reo Māori (14–20 Mahuru 2025) e rere ana te pānui a Te Taura Whiri i te Reo Māori (the Māori Language Commission) ki te whakakōkiri i ngā mahi ka karawhiua puta noa i te motu kia whai wāhi mai te katoa o ngāi Aotearoa ki te huringa tau koura o Te Wiki.

50 Wero Reo Māori

“Tuatahi ake, e rere ana tā mātou pōhiri ki Aotearoa ki te hiki ake i te mātātaki ‘50 Wero Reo Māori’, he rārangi wero i whakaritea mā te hunga e ako ana i te reo tae noa ki te hunga matatau hoki. Ka whai wāhi mai te katoa ngā wero ngahau e 50. Kei te tangata te tikanga ka hia ngā wero hei whakaoti mā rātou hei āwhina i a rātou ki te whakapiki i te whakamahinga o te reo, mai i te tautoko noa i te reo, ki te kōrero i ia rā,” hei tā Ngahiwi Apanui-Barr, Tumu Whakahaere, Te Taura Whiri.

“Ko te tūāpapa o te kaupapa nei ko tā tātou kaupapa whakatairanga-ā-ipurangi i uhia rā ki te tohu whakamānawa, ko te “Te Wā Tuku Reo Māori”, i whakakotahi mai ai te miriona tāngata i te wa kotahi tonu ki te kōrero, waiata, ki te pānui, ki te tuku reo rotarota rānei i te reo Māori”.

Kei te rārangi ‘50 Wero Reo Māori’ ngā momo wero pēnei i te whakaako i ngā mōkai ki te whai i ngā tohutohu reo Māori, te tautoko i te Kapa Mamaku ki ngā kīwaha reo Māori, me te whakapuaki pepeha hoki. Whakatutukitia ngā wero i Te Wiki i tō kotahi, i tō kura, i tō wāhi mahi rānei. I te tutukitanga o ia wero, ka whai wāhi te tangata ki te puna whakataetae e toa pea i a rātou tētahi o ngā puhera toa e 50 mō Te Wiki me ngā rawa motuhake hoki hei whakanui i te 50 Tau o Te Wiki. Rēhita ki reomaori.co.nz/50-wero.

Te Pūtahi Mahara

“I a tātou ka hoki mahara ki te 50 tau o Te Wiki, ka tākiri hoki ngā whakaaro ki te 50 tau kei te heke mai. Kei te tuku tono mātou ki te iwi kia tuku tāpaetanga ki Te Pūtahi Mahara, he pūranga mahara matihiko hei pupuri i ngā maharatanga o te wā. Ka puritia ngā tūmanako me ngā wawata o ngāi Aotearoa o te tau 2025 mō te reo Māori, kia huakina hei te huringa tau 100 o Te Wiki hei te tau 2075.

“Ka aha koe mehemea i taea e koe te whakarongo ki ngā wawata o rātou mā, ngā toa reo Māori o te 50 tau o mua? Koia tonu te whāinga o te kaupapa nei – he taonga e whakaritea nei e mātou mō ngā toa reo o te 50 tau kei te heke mai”, te kī a Ngahiwi.

Ka wātea te katoa ki te tāpae karere, whakaahua, whitiata poto, hopureo rānei. Nau mai ngā taumata reo katoa, ahakoa whakapapa Māori mai, kore rānei. Ko te reo Māori te reo o Aotearoa whānui.

Te tuku ngā tāpaetanga ki te Te Pūtahi Mahara mā te ipurangi, ka pupuri matataputia kia tuwhera anōtia te pūkete hei te tau 2075. Rēhita ki reomaori.co.nz/time-capsule.

Mō Ake Tonu te Reo – Ngā kauhaurangi o Te Wiki

Kua kī rawa tō rātaka? Ka wātea tonu pea te kotahi haora o tō wā tina ki te mātaki i tā mātou terenga kauhaurangi. Whakapiri mai i ia rā mahi o Te Wiki ki tā mātou terenga whakahihiko hinengaro.

Kikī ana te 50 tau kua hori i ngā hua o te porotū, te whanaketanga me te aroha ki te reo Māori. Hei ngā rangi e rima nei (15–19 Mahuru), kua whakaritea e mātou he terenga reo-rua ka noho hei pae kōrero mō ētahi manukura ki te matapaki i ētahi kaupapa nui, mai i ngā kākano o Te Wiki o te Reo Māori, ki te āpōpō o te reo i roto i te ao hinengaro rorohiko.

Kei noho ka mahue i tēnei kaupapa whakahoki mahara, whiwhi akoranga, me te whai wāhi ki te kaupeka hou o te reo Māori. Rēhita mai kia āhei tō tuku pātai ki ngā mātanga i reomaori.co.nz.

Hīkoi mō te Reo

Tēnā piri mai ki a mātou i Te Ūpoko o Te Ika ki te Hīkoi mō te Reo, hei te Rāapa 17 o Mahuru 2025. He rā kia hīkoi ngātahi ai tātou ki te whakanui i tō tātou reo-ā-motu.

“Ki te kore te tangata e wātea ki te haere mai ki Pōneke, tērā ētahi hapori e mahi nui ana ki te whakarite i a rātou ake hīkoi. Kua mana te hīkoi o Ōtautahi ka tū hei te 16 o Mahuru.

“Ahakoa kei hea koe, e akiaki ana mātou i te katoa ki te whakanui i te rā, kia hui tahi ki ō koutou whānau, hoa, hoa mahi hoki ki te tū ngātahi mō te kaupapa e āki ana kia maimoatia te reo Māori, kia kōrerotia, kia kitea e tokatū ana tāna noho mai,” tā Ngahiwi.

Ka āta whakaputahia e Te Taura Whiri i te Reo Māori ngā kōrero me ngā rauemi whakatairanga i te huritau 50 i mua i te wiki whaimana hei te Mahuru – tirohia te paetukutuku reomaori.co.nz.

In the lead up to Te Wiki o te Reo Māori (14–20 September 2025) Te Taura Whiri i te Reo Māori (the Māori Language Commission) announces the launch of nationwide activities to help all New Zealanders get involved in this year’s golden anniversary of Māori Language Week.

50 Wero Reo Māori

“First up, we’re inviting Aotearoa to take on ‘50 Wero Reo Māori’, a series of challenges created for beginners through to fluent speakers. There’s something for everyone on our list of 50 fun activities. People can choose as many as they like to help them go beyond just supporting te reo, to using it in their everyday lives”, says Ngahiwi Apanui-Barr, Tumu Whakahaere, Te Taura Whiri.

“The kaupapa builds on our award-winning online campaign, ‘Reo Māori Moment’, which saw a million people come together at a single moment in time to speak, sing, read or sign in te reo Māori”.

‘50 Wero Reo Māori’ challenges include teaching your pets to respond to commands in Māori, supporting the Black Ferns with Māori phrases or saying your pepeha. Complete the wero (challenges) over Te Wiki by yourself, with your kura or at your workplace. Each wero completed earns an entry into the draw to win 1 of 50 Te Wiki giveaways, including exclusive 50 Years of Te Wiki merchandise. Sign up at reomaori.co.nz/50-wero.

Te Pūtahi Mahara

“As we reflect on 50 years of Te Wiki, we also think about the next 50 years. We’re inviting people to contribute to Te Pūtahi Mahara, a digital time capsule. It will carry the hopes and dreams that 2025 Aotearoa has for te reo Māori and will be opened on the 100th anniversary of Te Wiki, in 2075.

“What if we could hear first-hand, the dreams that those reo champions had 50 years ago? That’s what this will be – a taonga we’re creating for the reo champions 50 years in the future”, says Ngahiwi.

People can share a message, a photo, short video or recording. All levels of reo Māori speakers, whakapapa Māori and non-Māori alike are welcome to contribute. Te reo Māori is New Zealand’s language.

Contributions to Te Pūtahi Mahara will be made online and stored securely until the time capsule is opened in the year 2075. Visit reomaori.co.nz/time-capsule.

Mō Ake Tonu te Reo – Te Wiki webinars

Short on time? You might still have an hour free over lunch to fit a lunch-time webinar in. Join us every weekday of Te Wiki for an exciting one-hour lineup.   

The past 50 years tracks a powerful legacy of activism, growth and aroha for te reo Māori. Over five days, we’ll be hosting a bilingual series in which we’ll hear leading experts discuss kaupapa ranging from the origins of Te Wiki o te Reo Māori, to the future of te reo in the age of AI.

Don’t miss this chance to reflect, learn, and be part of the next chapter for te reo Māori. Register, to ask your question of the experts, at reomaori.co.nz

Te Wiki o te Reo Māori Parade

Join us in the Capital for this year’s Te Wiki o te Reo Māori parade, on Wednesday 17 September 2025. It’s a day to walk together in celebration of our national language.

“If you can’t get to Pōneke, other communities are busy preparing their parades and hīkoi. We know the Christchurch hīkoi will take place on 16 September.

“Wherever you are, we encourage you to mark the date, gather your whānau, friends, and colleagues, and be part of a movement that shows te reo Māori is treasured, spoken, and here to stay”, says Ngahiwi.

Te Taura Whiri i te Reo Māori will be releasing more details around the 50th anniversary campaign, events and resources in the lead-up to the official week in September – check out reomāori.co.nz.

Check out all things Te Wiki o Te Reo Māori below:
Website
Facebook
Instagram
Youtube